Златан Ибрагимович коронавирусээр халдварлажээ

Италийн Милан клубт хүчин зүтгэж буй Златан Ибрагимовичоос коронавируст халдвар илэрчээ.

Түүний давтан шинжилгээнээс ийнхүү коронавируст халдвар илэрсэн байна. Өмнө нь түүнд халдварын шинж тэмдэг илэрч байгаагүй аж.

Одоогоор түүнийг эмнэлэгт бус гэрт нь тусгаарлажээ. Халдвар илэрсэнтэй холбоотойгоор Милан клубийн тоглогчид, арын албаны ажилчдаас шинжилгээ авахад вирус илрээгүй байна. Гэхдээ дахин шинжилгээ авч бататгахаа мэдэгджээ.

Златан Ибрагимович хэзээ талбайд гарах нь тодорхойгүй байна.

Эх сурвалж: CNN