Дээд зиндааны Вакатакакагэ коронавирусний халдвар авчээ

Японы сүмо бөхийн холбооноос өнөөдөр Арашио дэвжээний дээд зиндааны бөх Вакатакакагэ шинэ төрлийн коронавирусний халдвар авсныг зарлалаа.

Өнөөдөр өглөө хоолой нь өвдөж, 38 хүртэл халуурсан Вакатакакагэ эмнэлэгт очиж үзүүлэхэд хариу нь эерэг гарсан байна.  
 

Сүмогийн холбооноос түүнийг өөр дэвжээний бөхчүүдтэй хавьтал болоогүй гэж мэдэгдсэн. Гэхдээ эмнэлгийн газраас Вакатакакагэгийн дэвжээ болон гэр бүлийн бүх хүнд шинжилгээ хийхээр болжээ.

Нэгдүгээр сарын банцүкэд маэгаширагийн 2-т бичигдсэн  Вакатакакагэ ирэх тэмцээнд барилдаж чадахгүй нь тодорхой боллоо.