ӨГЛӨӨНИЙ МЭНД!

Өнөөдөр 2025.03.12. Энэ оны 71 дахь өдөр бөгөөд он дуусахад 294 хоног үлдэж байна. Монгол эх оронд маань нар 07 цаг 09 минутад мандаж, 18 цаг 53 минутад жаргана.

Улаанбаатарт үүлэрхэг. Өдөртөө 1 хэм, шөнөдөө 9 хэм хүйтэн байна. Та хувцсаа тохируулж өмсөөд гараарай.

Өнөөдөр Дэлхийн цахим хяналтын эсрэг өдөр тохиож байна. Тайвань, Македонд өнөөдөр Мод тарих өдөр бол АНУ-д Охидын скаутын өдөр, Замбид Залуусын өдөр юм.

Энэ өдөр Греммигийн таван удаагийн шагналт дуучин Жэймс Тэйлор, Английн хөл бөмбөгч, дасгалжуулагч Йан Халловей, олимпын аварга, дэлхийн долоон удаагийн аварга Америкийн усанд сэлэгч Жессика Харди, Америкийн дуучин Кристина Гримми зэрэг алдартан төрсөн өдрөө тэмдэглэж байна.

Энэ өдөр Монгол Улсын түүхэнд болсон онцлох үйл явдлууд:

1921 оны энэ өдөр Хиагт хотод Монголын цэрэг, ардын төлөөлөгчдийн хурал хуралдаж, Ардын түр Засгийн газрыг “Монгол ардын Засгийн хэргийг бүгд түр захиран шийтгэх газар” хэмээх нэртэйгээр байгуулжээ. Түр Засгийн газрын Ерөнхий сайдаар Д.Чагдаржав, гишүүдээр нь Д.Сүхбаатар, Сумъяа бэйс, Билэгсайхан гүн, Д.Бодоо, Х.Чойбалсан нарыг сонгов.

1936 оны энэ өдөр ЗХУ, БНМАУ-ын хооронд харилцан туслалцах тухай протоколд гарын үсэг зуржээ.

1990 оны гуравдугаар сарын 12-14-нд МАХН-ын Төв хороо, Улс төрийн товчоо бүрэн бүрэлдэхүүнээрээ огцров.

2015 оны энэ өдөр Монголын гурван сая дахь иргэн мэндэлсэн түүхэн үйл явдлыг тохиолдуулан Монгол Улсын Ерөнхийлөгчийн Тамгын газраас санаачлан 5000 төгрөгийн нэрлэсэн үнэтэй мөнгөн зоос гаргажээ.

2015 оны энэ өдөр мөн “Монголын эх түүх”-ийн цувралыг их, дээд сургууль, нийслэл болон аймгийн номын сангуудад түгээжээ.

Энэ өдөр дэлхийн түүхэнд болсон онцлох үйл явдлууд:

1942 оны энэ өдөр Ява арлын тулаанд Австрали, Америк, Голланд, Их Британийн нэгдсэн команд ялалт байгуулав.

1968 оны энэ өдөр Мауритиус улс Их Британиас тусгаар тогтножээ.

1994 оны энэ өдөр  Английн төв сүм анх удаагаа эмэгтэй гэлэнмааг авч эхлэв.

2011 оны энэ өдөр газар хөдлөлтөд өртсөн Фүкүшима-1 атомын цахилгаан станц дээр дэлбэрэлт болов. Үүний улмаас цацрагийн түвшинд зөвшөөрөгдөх хэмжээнээс 20 дахин өсжээ.

2019 оны энэ өдөр Их Британийн Ард нийтийн танхим Европын холбооны тухай хуулийн шинэчилсэн найруулгыг хэлэлцжээ.

Билгийн тооллын 13. Тухайн өдөр хулгана, бич жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр элдэв үйлд хянуур хандах хэрэгтэй ба ан, гөрөө хийх, мал, адгуус муулах, угаал үйлдэх, бороо хур оруулах, зэтгэрийг номхотгох, хөгжмийн зэмсэг урлах, дарханы үйлд сайн. Гүүр тавих, газар шороо ухахад муу. Өдрийн сайн цаг нь бар, луу, могой, бич, тахиа, гахай болой. Хол газар яваар одогсод зүүн зүгт мөрөө гаргавал зохистой. Тэрсүүд өдөр.

Өнөөдөр үс засуулбал жаргал ирнэ.

Өнөөдрийн ажилд тань амжилт хүсье!