ӨГЛӨӨНИЙ МЭНД!

Я.Болор | Zindaa.mn
2025 оны 04 сарын 03

Өнөөдөр 2025.04.03. Энэ оны 93 дахь өдөр бөгөөд он дуусахад 272 хоног үлдэж байна. Монгол эх оронд маань нар 06 цаг 26 минутад мандаж, 19 цаг 24 минутад жаргана.

Улаанбаатарт цэлмэг. Өдөртөө 2 хэм дулаан, шөнөдөө 7 хэм хүйтэн байна. Та хувцсаа тохируулж өмсөөд гараарай.

Өнөөдөр Зам засвар, арчилгааны олон улсын өдөр, Дэлхийн үдэшлэгийн өдөр, Далайн амьтдыг хамгаалах дэлхийн өдөр тохиож байгаа бол Японд Дэвүүртэй бүжгийн баяр, АНУ-д Циркийн өдөр, Киргизэд Нягтлан бодогч, аудиторуудын баяр, Филиппинд Албай мужийн өдрийг тэмдэглэж байна.

Энэ өдөр Италийн зураач, уран барималч Жузеппе Пеноне, Оросын жүжигчин Владимир Носик, Америкийн жүжигчин Алек Болдуин, Эдди Мерфи, Их Британийн жүжигчин Мэттью Гуд, Швейцарийн биатлонч Селина Гаспарин, Италийн биатлонч Доротея Вирер, Германы теннисчин Томми Хаас, Их Британийн дуучин Леона Льюс, Нидерландын хөл бөмбөгийн хаалгач Тим Крулл зэрэг алдартан төржээ.

Энэ өдөр Монгол Улсын түүхэнд болсон онцлох үйл явдлуудаас дурдвал:

1965 оны энэ өдөр Дилав хутагт Жамсранжав АНУ-ын Нью-Йорк хотод нас баржээ.

1982 оны энэ өдөр Монгол, Хятадын төлөөлөгчдийн дарга нар “Хятад Монголын хилийг хамтран шалгах комиссын хурлын протоколд гарын үсэг зурав. Үүгээр 1963 онд байгуулсан Хятад, Монголын хилийг хамтран шалгах комиссын ажил сэргэжээ.

2003 оны энэ өдөр Монгол Улсаас Хөх хотод суугаа Ерөнхий Консулын газар, ӨМӨЗО-ны Гадаад хэргийн захиргаа, ӨМӨЗО-ны аялал жуулчлалын хэлтэс зэрэг байгууллагууд хамтран хурал зохион байгуулж, аялал жуулчлалын салбарын солилцоо болон хамтын ажиллагааг бэхжүүлэв.

Энэ өдөр дэлхийн түүхэнд болсон онцлох үйл явдлуудаас дурдвал:

1829 – кофены үр бутлагчийг бүтээж байжээ.

1942 - Батааны хойгт Японы цэргийн хүч халдан довтолж, хойгийг АНУ болон Филиппиний арми хамтран хамгаалжээ.

1973 - Моторола компанийн ажилтан Мартин Күүпер зохион бүтээсэн гар утсаараа Беллийн Лабораторийн эрдэмтэн Жоел Энгел рүү дуудлага хийв. Энэ нь гар утсаар хийсэн анхны дуудлага байлаа.

1975 - Шатрын дэлхийн аварга шалгаруулах шувтаргын тоглолтод Бобби Фишер болон Анатолий Карпов нар учраа таарч Карпов дэлхийн аварга болов.

2007 оны энэ өдөр Францын галт тэрэгний үйлчилгээний TGV галт тэрэг Ла Шемин хотод 574 км/ц хурдалж, дэлхийн дээд амжилтыг тогтоов.

2010 - Дэлхийн хамгийн анхны таблет төхөөрөмжийг “Apple” компани худалдаанд гаргажээ.

2016 - Дэлхийн эрэн сурвалжлах сэтгүүлчдийн холбооны санаачилгаар Панамын баримтыг олон нийтэд дэлгэж, 214488 оффшор компанийн мэдээллийг ил болгов.

Билгийн тооллын 6. Тухайн өдөр морь жилтнээ аливаа үйлийг хийхэд эерэг сайн ба луу, хонь, нохой, үхэр жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр найз нөхдийг түшиж элдэв үйлийг түргэн бүтээх, бүтээл туурвил эхлэх, бизнэс эхлэх, цар ихтэй үйлийг эхлэх, бясалгал хийх, доодсыг асран өглөг, хандив өргөх, хараал, жатхыг буцаах, амьлуулах, өглөгийн түллэг хийх, хишиг дуудуулах, хот балгадын үйл, цэрэг, цагдаагийн үйл, тангарагаа буцаахад сайн. Золиг гаргах, бомбын үйл, хүүхэд хөлд оруулахад муу. Өдрийн сайн цаг нь хулгана, үхэр, луу, могой, хонь, нохой болой. Хол газар яваар одогсод баруун урагш мөрөө гаргавал зохистой.

Өнөөдөр үс засуулбал өнгө зүс сайжирна.

Өнөөдрийн ажилд тань амжилт хүсье!

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Close menu