Д.Нямхүү: Нэг хүнээс коронавирус илэрч, нэг хүн эдгэрлээ

Эрүүл мэндийн яамнаас коронавируст халдварын нөхцөл байдлын талаар ээлжит мэдээллийг өглөө. 

ХӨСҮТ-ийн захирал Д.Нямхүү: Өнөөдөр /2020.10.07/ ХӨСҮТ, ЗӨСҮТ, Дархан-Уул аймгийн вирус судлалын лабораторид 1281 хүний сорьцод шинжилгээ хийхэд 1280 хүний сорьцод коронавирус илрээгүй.

Харин аравдугаар сарын 4-ний өдөр Алтанбулаг боомтоор орж ирсэн ачаа тээврийн машины жолооч, 36 настай, ОХУ-ын иргэнээс коронавирус илэрлээ. 

Сайн дураар гурван хүн шинжилгээ хийлгэхэд коронавирус илрээгүй. Тандалтын зорилгоор хоёр хүний сорьцод шинжилгээ хийхэд коронавирус мөн илрээгүй. Өнөөдөр нэг хүн эдгэрч, ХӨСҮТ-ээс дараагийн шатны хяналтад шилжлээ.

Есдүгээр сарын 2-нд АНУ-ын Сиэтлээс ирсэн 57 эмэгтэй эдгэрч, дараагийн шатны хяналтад шилжлээ. Өнөөдрийн байдлаар ХӨСҮТ-д долоон хүн эмчлэгдэж байгаагаас зургаа нь хөнгөн, нэгийнх нь биеийн байдал хүндэвтэр байна.