Данид вакцинд тэсвэртэй мутац илэрлээ
Данид коронавирусний халдварын батлагдсан нийт тохиолдлын 10 хувь нь вакцины үйлчлэлд илүү тэсвэртэй мутацад орсон вирус тээгчид болохыг тус улсын Халдварт өвчинтэй тэмцэх хүрээлэнгийн судалгаа харуулжээ.
“Ritzau Bureau” агентлагийн мэдээлснээр, N439K мутацад орсон вирусийг анх энэ оны тавдугаар сард Румын улсад бүртгэсэн бөгөөд өдгөө Европын хэд хэдэн улсад тархаад байна. Ялангуяа, Ирланд, Чех, Швейцарт энэ мутац өргөн тархжээ. Эл мутац эсрэг биетэд илүү тэсвэртэй болохыг Хятадын лабораториудад хийсэн судалгаа баталж байгаа аж. “N439K мутацийн хувьд вакцин хэр үйлчилгээтэй болох нь бидний санааг зовоож байна. Тиймээс коронавирусний энэ хувилбарын тархалт болон эмзэг бүлгийг халдварлуулж байгаа эсэхийг ажиглах нь туйлын чухал байна” гэж тус хүрээлэнгийн төлөөлөгч Тира Грове Краузе онцолсон байна.
Данийн эмч нар нар энэхүү мутацад орсон вирусийг өнгөрсөн намар авсан 1 624 мянган дээжид илрүүлжээ. Одоогийн байдлаар, энэ мутацийн улмаас нас барсан нэг ч тохиолдол бүртгэгдээгүй байна. N439K мутац нь Данийн усны булгануудад илэрсэн вирус болон Их Британид мөн илрээд буй коронавирусний шинэ омогтой холбоогүй гэнэ.
Холбоотой мэдээ
