Халдвар авсан ялтныг эмчлээд дараа нь цаазлана

АНУ-д цаазын ялаар шийтгүүлэх гэж байсан хоёр ялтныг COVID-19 халдвар авсан тул ялыг нь хойшлуулжээ.

Newsweek-д бичсэнээр хүн амины хэрэгтэн Кори Жонсон, Дастина Хиггс нар Ерөнхийлөгч Доналд Трампын албан үүрэгт байхдаа цаазын ялыг гүйцэтгэх шийдвэр өгсөн сүүлийн хэрэгтнүүд болох ёстой байсан юм.

Гэвч тэд шинэ төрлийн коронавирусний халдвар авсан нь тогтоогдож, өмгөөлөгч нар нь “Өвчний улмаас зовж байгаа хүнд тариа хийж, цаазлах нь тэднийг тарчлаан зовоож байгаа хэрэг” гэж давж заалдсан байна. Вашингтоны шүүхээс хүлээн авч, энэрэнгүй ёс зүйд нийцэхгүй хэмээн үзэж, цаазын ялыг гуравдугаар сарын 16 болгон хойшлуулжээ.

Одоо тэднийг эмнэлэгт эмчилж байна.

Жонсон 28 жилийн өмнө долоон хүнийг алсан хэргээр цаазын ял сонссон бол Хиггс гурван эмэгтэйг хулгайлан, амь насыг нь хөнөөсөн хэрэг үйлдсэн гэнэ.