“Хөгжил ба суралцах” сэдэвт хөтөлбөрийг танилцууллаа

“Хөгжил ба суралцах” сэдэвт хөтөлбөрийг танилцуулах арга хэмжээ зохион байгуулагдлаа

Монголын Эмэгтэй Скаутын Холбоо, Баянзүрх дүүргийн Засаг даргын Тамгын газрын Нийгмийн хөгжлийн хэлтэстэй хамтран Баянзүрх дүүргийн Ерөнхий боловсролын сургуулийн багш нарт “Growing and Learning” буюу “Хөгжил ба суралцах” сэдэвт хөтөлбөрийг танилцуулах арга хэмжээг зохион байгууллаа.

Скаутын охид, залуу эмэгтэйчүүдэд зориулсан олон улсад хэрэгжүүлдэг хөтөлбөр гэдгээрээ онцлогтой. Уг арга хэмжээнд Баянзүрх дүүргийн Ерөнхий боловсролын 21, 53, 84, 85, 142, 145 дугаар сургуулийн багш нар идэвхтэй хамрагдлаа.

Ерөнхий боловсролын сургуулийн багш нар Монголын эмэгтэй Скаутын Холбооны хэрэгжүүлдэг олон улсын STEM – Шинжлэх ухаан, технологи, инженерчлэл, математикт охидын оролцоог нэмэгдүүлэх, Girl Powered Nutrition – Охидод хоол тэжээл, эрүүл амьдралын хэв маягийн мэдлэг олгож, тэжээлийн дутагдлын эсрэг нийгэмд нөлөөлөх, Free Being Me – Өөртөө итгэх итгэлийг дэмжих, гадна төрхөд тулгуурласан ялгаварлалыг бууруулах, Stop the Violence – Охид, эмэгтэйчүүдийн эсрэг хүчирхийллийг таслан зогсоох, Surf Smart – Цахим орчны аюулгүй байдал, цахим хүчирхийллээс урьдчилан сэргийлэх хөтөлбөрүүдийг өөрсдийн сургуульдаа нэвтрүүлэхэд хамтран ажиллахаар боллоо.