КОВИД-19: Жуулчдад нээлттэй болон хаалттай орнуудыг нэрлэлээ

2020 оны 10 сарын 13

Олон улсын агаарын тээврийн холбооноос (IATA) цар тахлын улмаас жуулчдыг хүлээн авахгүй байгаа болон хилээ нээсэн орнуудын газрын зургаа өнөөдөр шинэчлэн гаргалаа.

Жуулчдад бүрэн хаалттай орон:

Азербайжан (11-р сарын 2 хүртэл хаалттай),

Алжир (нислэг үйлдэхгүй байгаа),

Аргентин (гадаадын иргэдийг 10-р сарын 15 хүртэл нэвтрүүлэхгүй),

Ботсван (Нисэх буудлууд ажиллахгүй байгаа),

Венесуэл (10-р сарын 15 хүртэл хил хаалттай),

Гайана (Нисэх буудлууд ажиллахгүй байгаа ),

Израиль (гадаадын иргэдийг хүлээн авахгүй байгаа),

БНАСАУ (жуулчин хүлээн авахгүй),

Лаос (10-р сарын 31 хүртэл гадаад иргэдийг хүлээн авахгүй),

Ливи (нислэг хориглогдсон),

Мадагаскар (тусгай үүргийн онгоцноос бусад нислэгийг хориглосон),

Монгол (10-р сарын 31 хүртэл жуулчин хүлээн авахгүй),

Мьянмар (10-р сарын 31 хүртэл гадаад иргэн хүлээн авахгүй),

Папуа Шинэ Гвиней (гадаадын иргэдийг хүлээн авахгүй байгаа),

Сири (10-р сарын 18 хүртэл нислэг хориотой),

Туркменистан (11-р сарын 1 хүртэл тусгай үүргийн нислэг л үйлдэнэ),

Уругвай (тодорхойгүй хугацаагаар хилээ хаасан),

Чили (10-р сарын 14 хүртэл хил хаалттай),

Шри-Ланк (Тусгай үүргээс бусад нислэг цуцлагдсан),

Эритрей (нисэх буудлууд хаалттай).

Жуулчдад нээллтэй орнууд

IATA-гийн мэдээлснээр өнөөдрийн байдлаар дэлхийн найман орон л жуулчдад нээлттэй бодлого баримталж байгаа гэнэ.

Мексик: гадаадын иргэдийг хүлээн авч байгаа. Коронавирусний шинжилгээний баримт хэрэггүй. Тусгай анкет бүртгүүлэхэд л болно.

Турк: гадаадын иргэдийг хүлээн авч байгаа. Коронавирусний шинжилгээний баримт хэрэггүй. Онгоц дотор тусгай анкет бөглөнө. Нисэх буудал дээр халуун хэмжинэ.

Бразил: долоодугаар сарын 29-нөөс гадаадын жуулчдыг хүлээн авсан. (Гэхдээ дотоодын таван мужид нэвтрэх хориотой). Коронавирусний тест шаардлагагүй. Гэхдээ Бразилд байх хугацаандаа эрүүл мэндийн даатгалд хамрагдах шаардлагатай.

Албани: гадаадын иргэдийг хүлээн авч байгаа. Коронавирусний шинжилгээний баримт хэрэггүй.

Афганистан: гадаадын иргэдийг хүлээн авч байгаа. Коронавирусний шинжилгээний баримт хэрэггүй.

Хаити: гадаадын иргэдийг хүлээн авч байгаа. Коронавирусний шинжилгээний баримт хэрэггүй. Онгоц дотор эрүүл мэндийн асуулгад хариулж, нисэх буудалд халуунаа үзүүлнэ.

Хойд Македон: гадаадын иргэдийг хүлээн авч байгаа. Коронавирусний шинжилгээний баримт хэрэггүй. (Босни Герцеговин, Черногор, Косов, Сербийн иргэд ирэхээсээ 72 цагийн өмнө халдваргүй гэдгээ баталсан шинжилгээний бичигтэй байх ёстой).

Серби: гадаадын иргэдийг хүлээн авч байгаа. Коронавирусний шинжилгээний баримт хэрэггүй.

Газрын зургийг энэ хаягаар үзнэ үү.

Сэтгэгдэл ( 1 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
zochin(122.201.23.226) 2020 оны 10 сарын 14

busad uls n yamar kategort oroj bga uym bol

0  |  0
Top